Сэтгэлийн толинд буусныг оюун ухаанаар сийрүүлсүү

Ам нь нэлээн ангасан Жавхлан шөнө дунд босж ус уухдаа хажууд нь нүцгэн унтах бүсгүйг хараад нэлээн удаан суулаа. Энэ бүсгүйтэй байхад зүгээр боловч тэр нэг ч хором Хүслэнгийн тухай мартаж байсангүй. Сэтгэлд нь үлдсэн шархны оромыг арилгах гэж түүнээсээ зугтаж ирсэн ч тэр мөнгөнөөс өөр юуг ч эндээс олсонгүй. Даруухан ухаалаг энэ бүсгүй ээнээгшин дасаж магадгүй байгаа хэдий ч Хүслэнд өгсөн хайр нь түүний хувьд ганцхан юм гэдгийг улам бүр ч ойлгох болжээ. Энэ шөнө зүүдэндээ Жавхлан хачин их ангаж элсэн цөлд явахад нь Хүслэн ирж ус өгч байна, тэгээд юу ч хэлэхгүй яваад өглөө гэж зүүдлээд сэржээ... Гадаа үүр цайж эхлэхэд Жавхлан аль хэдийнээ хот явахаар юмаа бэлдээд эхэлчихсэн байлаа.
"Мөрөөдлийнхөө төлөө тэмц, чамайг юу ч зогсоож чадахгүй. Үхэл ч хүртэл (төгсгөл)" цааш унших »

Бараг цаг шахам алхаад хөлдөж үхэх гэсэн амьтаныг бурхан харсан болтой нэгэн машин ирж зогслоо. Жижигхэн цагаан машины цонх доош буун саравчтай малгай хазгайдуухан тавьсан залуу: Такси авахгүй биз? Үгүй ээ, мөнгө алга Хаа хүрэхийн дөхүүлээд өгөх үү? Хайлааст орох гэсиймаа, харих гэсээр байтал хөлдчих болтой, хүргээд өгвөл сайн л байна. Суу л даа. Харин замдаа хүн дайралдуул авчих уу?
"Мөрөөдлийнхөө төлөө тэмц, чамайг юу ч зогсоож чадахгүй. Үхэл ч хүртэл (7)" цааш унших »

Жаргалтай хорвоод зовлон дутаад, зовлонтой амьдралд жаргал дутаад байдаг гэдэг шиг цатгалан жаргалтай юм шиг ганцаардсан утгагүй амьдралд нь утга учир болон орж ирсэн эгэлхэн бүсгүйд Жаргал анх удаа сэтгэл зүрх хамаг зүйлээ өгчээ. Хамтдаа угтсан өглөө жаахан ичиж байсан ч үд болтол эрхлэн хэвтсэн хоёр гэнэт л тэр 2-оос гадна хорвоо гэгч эргэж байдагийг саналаа.
"Мөрөөдлийнхөө төлөө тэмц, чамайг юу ч зогсоож чадахгүй. Үхэл ч хүртэл (6)" цааш унших »

Хүслэн хэдий эдгэрэн эмнэлгээс гарсан ч Жавхлангийн тухайд энэ болоод өнгөрсөн зүйл сэтгэлийн тээг, бул чулуу болсон хэвээр. Ойрын хэдэн сардаа болгоомжтой байгаарай, маш амархан жирэмсэн болдог гэсэн болохоор Жавхлан Хүслэнтэй 3 сар ойртсонгүй. Энэ бүхний учирыг олж ядахдаа Хүслэн хөндий хүйтэн болсон найз залуугаа эргүүлэх гэж уйлж гуйгаад, аргадаж, уурлаад ч тусыг эс олжээ. Нэг л өдөр Жавхлан хөдөө явж өндөр цалинтай ажил хийхээр болсон, ойрын 10 жилдээ ирж чадахгүй, намайг хүлээгээд хэрэггүй биз дээ гээд өглөө эрт гараад явсанаас хойш Хүслэнд түүнийгээ үгүйлж уйлаагүй хоносон шөнө үгүй.
"Мөрөөдлийнхөө төлөө тэмц, чамайг юу ч зогсоож чадахгүй. Үхэл ч хүртэл (5)" цааш унших »

 Энэ өдрөөс хойш хорвоогийн хатуу бүхнийг турхан нуруундаа ганцаар үүрсээр хүний зэрэгт хүрсэн билээ. Хандмаа эгчийгээ нэг л өдөр хөтлөөд асрамжийн газарт авчрахад нь анх удаа “Намайг битгийн орхиоч” гэж уйлан зууралдаж байсанаа одоо маш тод санадаг. Ээж аав 2г нь явсанаас 20иод хоногийн дараанаас хотоос олон танихгүй хүмүүс ирж 7 хоног хөл болохдоо “Аав, ээж хоёрын чинь хойдохыг хийж байна. Мөнгө төгрөг их орсон банкнаас зээлсэн мөнгөө төлөхийн тулд гэрийг чинь авч явж байна. Миний дүү хүний ганц хүүхэд айлд өргүүлээд зовохын нэмэр. Асрамжинд очсон нь дээр, эвий эвий хөөрхий минь” гэж толгойг нь илж уут дүүрэн чихэртэй үлдээгээд явсан билээ.
"Мөрөөдлийнхөө төлөө тэмц, чамайг юу ч зогсоож чадахгүй. Үхэл ч хүртэл (4)" цааш унших »

Аав нь сумын төв юмуу, холхон гараад ирэхдээ охиндоо заавал амттай бэлэг авчирдаг болохоор Хүслэн үргэлж аавыгаа хаа нэг тийшээ яваасай гэж боддог байсан нь, аав нь ээжийг дагуулаад хэзээ ч эргэж ирэхгүй явчуулчих юм чинээ бяцхан ухаандаа хэрхэн тунгаах билээ.
"Мөрөөдлийнхөө төлөө тэмц, чамайг юу ч зогсоож чадахгүй. Үхэл ч хүртэл (3)" цааш унших »

Явах зуураа зогсолтгүй утсаар ярих залуу нь өөрийгөө продюсер хэмээн нэрлэх бөгөөд бүх багаа цуглуулж байгаа болтой юм. Харин Хүслэнгийн нэлээн түрүүнээс мэдэх болсон найруулагч залуу урдах замаа ширтэн их л нухацтай зүйлийг бодон байх шиг. Баячуулын амьдардаг тосгоны хамгийн гэмээр том тансаг байшингийн үүдэнд зогсоод Хүслэнг буулгахад өнөөх тасралтгүй утсаар ярьж явсан залуу сая л нэг утаснаасаа салж, хэтэрхий удаан ярьсанаас болоод халчихсан утсаа барьж үзээд толгой сэгсрэн түрүүлээд том бүргэд хаалгаар орлоо. Жаахан гайхан тээнэгэлзэн зогсоо Хүслэнг
"Мөрөөдлийнхөө төлөө тэмц, чамайг юу ч зосгоож чадахгүй. Үхэл ч хүртэл (2)" цааш унших »

Оршлын оронд   Сэтгэл зүрхний толинд амьдрал өнгө өнгөөр сүлэлдэн буух агаад, гагцхүү түүнийг ухааран мэдрэх, илэрхийлэн гаргах нь хүн бүрт адилгүй билээ. Ийм л сэтгэлээр энэхүү өгүүллэгийг эхлүүлж байна. Утга уран зохиолд  сонирхон дурлаж, шимтэн уншсаар хэдийн удсан ч нэг л өдөр яагаад өөрөө бичиж болохгүй билээ гэх бодол орж ирсэн билээ. Олон уг нуршилгүйгээр чадан ядан бичих бичлэгийг минь таалан соёрхоно уу.  
"Мөрөөдөлийнхөө төлөө тэмц, чамайг юу ч зогсоож чадахгүй. Үхэл ч хүртэл" цааш унших »

Хахир хүнд төмөр гав гар болоод сэтгэлийг хамтад нь хайран дарж байлаа. Зүүд бодит байдал нь ялгагдахгүй энэ нөхцөлд барьц алдахгүй тайван байх хэрэгтэй Танхил ойлгож байлаа. Ангийнх нь 2 хүүхэд хамтдаа тэнд байх ба биенээ бараадан учир мэдэх хүнийг харцаараа хайсан ч тэнд үнэндээ дайны гэмээр агаар ноёрхох ажээ. Бүгд биеэ хураан, харцанд нь айдас, гайшрал хуралдан бүгд барьц алдан гайхширна. Баригдан ирэх хүмүүс нэмэгдсээр...
""Сайхан хайр байдаг юм шүү, олдвол алдаж болохгүй" гэдэг байхаа-үргэлжлэл" цааш унших »

Танхил онгоцны буудал дээр буугаад уртаа гэгч амьсгаа авлаа. Нутгийнх нь салхи хичнээн сайхан юм бэ! Үүдэнд хүлээж байгаа ээждээ яаран байвч ачаа нь гарч ирэхгүй нэлээд хүлээлгэлээ. Онгоцны буудалд хүн тосохоор олон янзын хүмүүс ирсэн бөгөөд тэдний дотор олон жил уулзаагүйн сэтгэл дэвтээн баярлах хүмүүс байх ч, хүний нутагт хүнээ алдчихаад алтан цогцсыг нь хүлээн зогсох ч хүмүүн бас байлаа.  
""Сайхан хайр байдаг юм шүү, олдвол алдаж болохгүй" гэдэг байхаа" цааш унших »

Сайн байцгаана уу? Юуны өмнө та бүхэндээ шинэ оны мэнд хүргээд сайн сайхан, эрүүл энхийг хүсэн ерөөе!

Гэнэт олгой ургаад бөөн хагалгаа энэ тэр гээд. Бараг бүтэн сар гэртээ хэвтээд бараг л уйдсанаасаа болоод үхчихээ дөхлөө. Интернетгүйгээр байж чадахгүй болчихсоноо тэгэхэд л мэдэрлээ. Ялангуяа блог гэх энэ орон зай үнэхээр уудам, эрх чөлөөтэй, сайхан юм. Энд амьдралын баяр жаргалын тухай, гуниг зовлон, инээд хөөр гээд бүх л зүйл байна. Хэнээс ч айж ичилгүй хүссэнээрээ байх эрх чөлөөг ардчилал олгодог шиг, блог ч бас хязгааргүй эрх чөлөө, мөн хөгжил амралтыг өгдөг юм байна.

 

Нээрээ энд олгойны хагалгааг хүртэл дурангаар хийдэг юм байна. Хурдан тэнхэрсэн шүү. Бас хамт амьдардаг охидууд маань үнэхээр сайн охидууд. Бас их азтай гэж байгаа. Яг сургуулийн амралтаар өвдчихсөн. Одоо 4 шалгалт хүлээж байгаа, хичээлээ хийх хэрэгтэй ч нэг шинэ өгүүлэл эхэлсэн байсныгаа шинээр орууллаа. Удахгүй нотебооктэй болчихоороо гэртээ бичээд байж болох байх. Энэ өгүүллэгийн санааг зүүдэндээ олсон юм шүү(битгий шоолойрой)

 

За ингээд би эргээд ирлээ. Шинэ ондоо хамтдаа байх болноо. Дахиад өвдөхгүй (Даатгалын мөнгө бараг дуусаж байгаа хэхэ)

 

 

Хатмал цөлд явахад хар ус амттай

Харанхуй шөнийн дунд өнчин зул гэрэлтэй

Жаргал ховор цагт жаргалын бага нь амттай

Хэт их жаргал дунд хэсэгхэн зовлон ч бас амттай

                                       Р. Чойном

 

Би шалгалтандаа онц авчихлаа. Би чадлаа.

 

Ардын дуу нь айл хэсээд сотчихож
Агсан морьд уяа хэсээд уйдчихаж
Айлын бүсгүй сайхан харагдаад би дурлачихаж
Арван долооны хяруут өглөө чамайгаан би алдчихаж ээ
"Ардын дуу нь айл хэсээд сотчихож Агсан морьд уяа хэсээд уйдчихаж" цааш унших »

Яадаг юм би шүлэг бичнэ
Бал цаас хоёроо дуустал нь би бичнэ
Яадаг юм би чамд бүтэхгүй ч гэсэн дурлана
Биеийг чинь ч болтугай аваад унаж үхтлээ дурлана
"Яадаг би чамд өөрийнхөөрөө дурлана" цааш унших »

Эхнэр минь их л ядарсан болтой хацараа дэрэнд наагаад доошоо хараад унтчихсан байлаа. Аргагүй дээ сүүлийн үед тайлан энэ тэр гээд ядарч байгаа. Би ч ялгаагүй эртхэн ажилдаа очилгүй горьгүй гээд аяга цай амсаал гэрээсээ гүйхээрээ гарлаа. Хурлаас хоцрохгүй гэж хичээх тусам замын түгжирэл улам ихсэж намайг бачимдуулна. За хөөрхий хурлаасаа хоцорчихлоо гэж. Даргын царай ч  ер нь баргар талдаа. Хурал дуусгаад уулзаарай гэсэн msg илгээдэг байгаа. Манай дарга нээрээ хурал дундуур ажилчид руугаа msg нисгээл.
"Эхнэрээ үнсээгүй гарсан өдөр" цааш унших »

Sain baitsgaana uu? Ooriigoo ch tolind harah zavgui guij bgaa bolohoor bichleg nemeh ni bitgii hel blogooroo orj ch chadahgui yavna. Gehdee onoodor negen ohinii setgegdliig unshaad hariu bichiheer shiidsen yum. Latin useg hereglesend uuchlaarai. Uchihr ni bi Linux deer ajillaj bgaa bolohoor krill usegeer yaj bichdegiig meddeggui. Yagaad ch yum ene zahiagaa bichleg bolgood oruulchihya gej bodloo. Ta buhendee mash ih talarhaj bn shuu. \
"Donna-d bichsen zahidal" цааш унших »

Сайн байцгаана уу? 

Блогийнхоо жаврыг үргээлгүй их удлаа. Гэхдээ би үнэхээр зав муутай байгаа болохоор яагаад ч амжихгүй байна. Өвлийн амралтаараа л гаагүй амрах байхдаа. Уйлах ч гэрээ санах бүр өөрийгөө толинд харах ч зав алга. Осолдохгүй л үхэхгүйн тулд хам хум хоол идэж байх шив дээ. Ингээд автобусан дотор түр амарч байхдаа санаанд орсон 4 мөртөө оруулдаг юм уу

Нулимсаа арчиг гээд ижий минь надад алчуур явуулсан байна
Нууж унагах бэлэн нулимсийг минь харамлаж ижий минь алчуур явуулсан байна
Хүний газар харийн хошуунд охины минь нүдэнд нулимс бүү харагдаг гээд
Хүүхэн хонгор охиндоо ижий минь үнэрээ шингээсэн алчуур явуулсан байна

Ижий минь надад алчуур явуулсан байна.

Хүүхдийн найрны дараагийн 2 хоногоос Энхээгийн бие гэнэт муудлаа. Өвгөн эмчийн арга ядсан харц тэднийг бүр сандаргаж орхилоо. Германы виз ч хоёрхон өдрийн дотор гарч маргаашийн үд дундын нислэгээр нисэхээр бүх зүйлээ бэлдлээ. Өвгөн эмч тэднийхээс салсангүй байнга л хажууд байх нь үнэхээр санаа зовж байгаагийн шинж байлаа.
"Дэндүү их хайр - 30 жилийн дараа төгсгөл" цааш унших »

Сайн байцгаана уу. Хэд хоног өвдөөд Италийн хүнд сурталыг хангалттай мэдэрдэг байна ш дээ. Яаралтай түргэн тусламж, шинжилгээ дусал энэ тэр гээл. Тэгсэн даатгалтай тэгээд оюутан бол ногоон гэрлээр явж байгаа юм чинь, мэс засал хийлгэх хэрэггүй газар чинь мэс засал энэ гэр гэж гэрийнхнийг айлгаад л бөөн өвчтэй, хагалгаанд оруулсан хүнтэй хамт хонуулдаг байна ш дээ. Ямар ч эмчилгээ хийгээгүй, хийх ч үгүй байж дахиад 3 хоног гэхээр нь үгүй гээд л гараад ирлээ. Мөнгө төгрөг төлөх энэ тэр асуулдал  гарах талаар сайтар асууж байж гарлаа. Сарын дараа тань руу холбоо бариад бичиг баримт шинжилгээ энэ тэрийг чинь явуулчихна гэлээ.
"Италийг шууд үзэн яддаг байна ш дээ" цааш унших »

Эмчийн нухацтай харц, гарт нь байх шинжилгээний хариуг хараад Энэрэл баярласангүй ч ямар нэгэн зүйл горьдсон харцанд хөгшин эмч таатай биш хариу өглөө. Энэрэл мөн л дуугүй хүлээж суулаа. - Анхан шатны шинжилгээний хариу ирсэн. Миний санаа зовж байсан зүйл мөн байх шиг байна. Багадаа 2 удаа шарлаж байсан юм байна. Хэрэв төрөх юм бол элэг нь дийлэхгүй. Дахиад шинжилгээ хийх шаардлагатай байгаа ч би эерэг хариунд найдахгүй байна гээд эмч дахин нүүр буруулан суулаа. Үнэндээ өдий олон жил эмч хийсэн гол шалтгаан нь чухамхүү энэ өвчин. Үнэндээ тэр хүүхдийн эмчээр төгссөн хэдий ч эхнэрээ яг энэ өвчинөөр алдсанаас хойш эргэлт буцалтгүй энэ өвчинтэй тэмцэх болсоор 30 жил өнгөрчээ. Харин одоо тэр өөрийн гэсэн аргатай болсон бөгөөд энэ нь тэр хүнийг аль болох удаан амьдруулах аргыг хайсных нь үр дүн билээ.
"Дэндүү их хайр - 30 жилийн дараа үргэлжлэл(2)" цааш унших »